Үндсэн хуулийн цэцийн гишүүд, Тамгын газрын ажилтнууд байгаль орчноо хамгаалах үйлсэд идэвхтэй оролцож ирлээ

2024-10-08

Монгол Улсын Үндсэн хуулийн Арван долдугаар зүйлийн 2 дахь хэсэгт “…байгаль орчноо хамгаалах нь иргэн бүрийн журамт үүрэг мөн” болохыг тодорхой заасан.

Монгол Улсын Ерөнхийлөгчийн зарлигаар жил бүрийн 5, 10 дугаар сарын хоёр дахь долоо хоногийн бямба гарагийг “Бүх нийтээр мод тарих Үндэсний өдөр” болгох, ““Тэрбум мод” үндэсний хөдөлгөөнийг өрнүүлэх”-ээр тус тус шийдвэрлэсэн билээ.

Эдгээр зарлигийн дагуу Монгол Улсын Үндсэн хуулийн цэцийн гишүүд, Тамгын газрын ажилтнууд жил бүр мод, бутлаг ургамал тарих, цэнэг усалгаа, арчилгаа хийдэг уламжлалтай.

Ахмадуудаа хүлээн авч хүндэтгэл үзүүллээ

Монгол Улсын Үндсэн хуулийн цэцийн дарга Г.Баясгалан, Үндсэн хуулийн цэцийн гишүүд “Олон улсын ахмадын өдөр”-ийг тохиолдуулан Цэцийн гишүүнээр болон Тамгын газарт ажиллаж байсан ахмадуудаа хүлээн авч хүндэтгэл үзүүллээ.

Мэдэгдэл

Өдөр тутмын сонин “Өдрийн сонин”-д  “Тэд шударга ёсны сахиул уу, сахиус уу”  /2024-07-29 №138(7504)/,“Үндсэн хуулийн цэц Х.Баттулгыг хаасан хуулийг У.Хүрэлсүхэд нээж өгөх үү” /2024-08-16 №152(7518)/, “Цэц “ерөнхийлөгчийг зөвхөн нэг удаа сонгоно” гэснийг янзлах улстөржсөн захиалга авсан уу” /2024-08-19 №153(7519)/, “Монголын улс төрчид хуваагдлаа албан ёсоор зарлах үлдлээ” /2024-08-26 №158(7524)/, “ерөнхийлөгчийг зөвхөн нэг удаа сонгоно” гэснийг өөрчлөхөд саад болох дөрвөн хууль, Цэцийн нэг дүгнэлт байна” /2024-09-02 №163(7529)/, “Үндсэн хуулийн журмын тухай хуулийг Үндсэн хуулийн цэцээр хүчингүй болгуулах хуйвалдаан эрчээ авлаа” /2024-09-23 №178(7544)/ гарчиг бүхий цуврал нийтлэлийг “Ажиглагч А.Батболд” нэрээр, мөн өдөр тутмын “Зууны мэдээ” сонинд “Цэцийг Дээд шүүхэд “нэгтгэх“ хувилбар яригдаж эхэллээ” /2024-08-12/, “Г.Баясгалангийн үед Цэц “цэг” тавиулах уу” /2024-08-20/, “…Цэцийн дээр нэг л юм бий, тэр нь хөх тэнгэр биш Үндсэн хууль юм” /2024-09-27/ цуврал нийтлэлийг Б.Гарьд нэрээр тус тус бичиж нийтлүүлжээ.

Азийн нийгэмлэгийн 6 дугаар Их хуралд Үндсэн хуулийн цэцийн гишүүн Д.Гангабаатар илтгэл тавилаа

2024-09-25

Тайландын Хаант Улсын нийслэл Бангкок хотноо болсон Үндсэн хуулийн шүүх, түүнтэй адилтгах байгууллагуудын Азийн нийгэмлэгийн 6 дугаар Их хурал гурван салбар хуралдаантайгаар зохион байгуулагдлаа.
“Тогтвортой нийгмийн төлөө Үндсэн хуулийн шүүх эрх мэдлийг бэхжүүлэхэд Үндсэн хуулийн шүүх, түүнтэй адилтгах байгууллагуудын үүрэг”, “Тогтвортой шүүх эрх мэдлийн төлөө Үндсэн хуулийн хяналтын хөгжил”, “Үндсэн хуулийн шүүх эрх мэдэл тогтвортой нийгмийн хөгжлийн үндэс болох нь” зэрэг сэдвийн хүрээнд салбар хуралдаанууд явагдсан юм.

ЭМГЭНЭЛ

ЛЭГЦЭГИЙН БААСАН

Монгол Улсын төр, нийгмийн зүтгэлтэн, Үндсэн хуулийн цэцийн гишүүн асан, бидний дотнын анд нөхөр, хамтран зүтгэгч Лэгцэгийн Баасан 2024 оны 9 дүгээр сарын 20-ны өдөр таалал төгссөнд түүний гэр бүл, үр хүүхэд, төрөл төрөгсдөд гүн эмгэнэл илэрхийлье…

Харилцан ойлголцлын санамж бичигт гарын үсэг зурлаа

2024-09-23

Үндсэн хуулийн шүүх, түүнтэй адилтгах байгууллагуудын Азийн нийгэмлэгийн 6 дугаар Их хурлын үеэр Монгол Улсын Үндсэн хуулийн цэцийн дарга Г.Баясгалан Бүгд Найрамдах Казахстан Улсын Үндсэн хуулийн шүүхийн дарга, хатагтай Эльвира Азимова нар хоёр улсын Үндсэн хуулийн хяналтын байгууллага хоорондын харилцан ойлголцлын санамж бичигт гарын үсэг зурлаа.

Ингэснээр, Үндсэн хуулийн үр дүнтэй хяналтыг хэрэгжүүлэхэд харилцан туршлага солилцох, хамтарсан хөтөлбөр, арга хэмжээг боловсруулж хэрэгжүүлэх, хоёр улсын Үндсэн хуулийн эрх зүй, практикийг судлах боломж бүрдэх юм.

Азийн нийгэмлэгийн 6 дугаар Их хуралд Монгол Улсын Үндсэн хуулийн цэцийн дарга Г.Баясгалан тэргүүтэй төлөөлөгчид оролцлоо

2024-09-23

Үндсэн хуулийн шүүх, түүнтэй адилтгах байгууллагуудын Азийн нийгэмлэгийн 6 дугаар Их хурал Тайландын Хаант Улсын нийслэл Бангкок хотноо 2024 оны 09 дүгээр сарын 17-20-ны өдрүүдэд зохион байгуулагдаж, Монгол Улсын Үндсэн хуулийн цэцийн дарга Г.Баясгалан, Үндсэн хуулийн цэцийн гишүүн Д.Гангабаатар, Э.Энхтуяа нарын төлөөлөгчид оролцлоо.

Цэцэд ирсэн өргөдөл, мэдээлэл, хүсэлт, гомдлыг хуваарилах болон бүрэлдэхүүн тогтоох асуудлыг цахим аргаар шийдвэрлэнэ

Цэцэд маргаан үүсгэсэн талаар олон нийтэд тогтмол мэдээлдэг боллоо

Энэ оны 8 дугаар сараас эхлэн Цэцэд ирүүлсэн иргэдийн өргөдөл, мэдээлэл, гомдол, эрх бүхий байгууллага, албан тушаалтны хүсэлтийн дагуу Цэцэд маргаан үүсгэсэн тохиолдолд энэ талаар олон нийтэд тогтмол мэдээлж байна.

Түүнчлэн 7 дугаар сараас эхлэн Үндсэн хуулийн цэцийн дотоодод мөрдөж буй дүрэм, журам, аргачлал, Цэцийн дунд, их суудлын хуралдааны шийдвэрийн бичвэрийг эх хувиар нь PDF хэлбэрт шилжүүлэн албан ёсны цахим хуудастаа байршуулж эхэллээ.

Япон Улсын Хууль зүйн яамны төлөөлөгчдийг хүлээн авч уулзлаа

2024-09-10

Монгол Улсын Үндсэн хуулийн цэцийн гишүүн Ж.Эрдэнэбулган Япон Улсын Хууль зүйн яамны төлөөлөгчдийг өнөөдөр /2024.09.10/  хүлээн авч уулзлаа.

Энэ үеэр тэрээр, шүүх эрх мэдлийн байгууллагуудын эрх зүйн орчинг боловсронгуй болгох хүрээнд хамтран ажиллах сонирхолтой байгаагаа илэрхийлээд, эрүүгийн эрх зүйн асуудлаар хамтарсан семинар, судалгаа хийхийн ач холбогдлыг онцлон тэмдэглэсэн байна.