Монгол Улсын Үндсэн хуулийн цэцийн дарга, Үндсэн хуулийн шүүх, түүнтэй адилтгах байгууллагуудын Азийн нийгэмлэгийн Ерөнхийлөгч Н.Чинбат тэргүүтэй төлөөлөгчид 2023 оны 8 дугаар сарын 09-11-ний өдрүүдэд Бүгд Найрамдах Индонез Улсын Үндсэн хуулийн шүүхээс зохион байгуулсан Үндсэн хуулийн шүүхийн дарга нарын олон улсын чуулга уулзалтад оролцов. Цэцийн дарга Н.Чинбат “Монгол Улсын Үндсэн хуулийн цэц ардчилсан ёсны зарчмын баталгаа болох нь” сэдвээр илтгэл тавив.
Түүнчлэн, Монгол Улсын Үндсэн хуулийн цэцийн дарга, Үндсэн хуулийн шүүх, түүнтэй адилтгах байгууллагуудын Азийн нийгэмлэгийн Ерөнхийлөгч Н.Чинбат Бүгд Найрамдах Индонез Улсын Үндсэн хуулийн шүүхийн Ерөнхий шүүгч Анвар Усмантай уулзалт хийж энэ үеэр хоёр улсын шүүх хоорондын Харилцан ойлголцлын санамж бичигт гарын үсэг зурлаа.
Тус санамж бичиг нь шүүх хоорондын төдийгүй хоёр улсын харилцааны хөгжилд хувь нэмрээ оруулна гэдэгт итгэлтэй байгаагаа тэд илэрхийллээ.
