• About: admin

Posts by admin:

  • Монгол Улсын Үндсэн хуулийн цэцийн дарга Монгол Улсаас АНУ-д суугаа Элчин сайдын яаманд зочиллоо

    Монгол Улсын Үндсэн хуулийн цэцийн дарга Н.Чинбат тэргүүтэй төлөөлөгчдийг Монгол Улсаас АНУ-д суугаа Онц бөгөөд Бүрэн эрхт Элчин сайд Ө.Батбаяр Элчин сайдын яаманд хүлээн авч уулзав. Уулзалтын үеэр Элчин сайд Үндсэн хуулийн цэцийн дарга АНУ-ын Ерөнхий шүүгчтэй албан ёсны уулзалт хийсэн нь чухал ач холбогдолтой үйл явдал болсон тухай онцлон тэмдэглэв. Тэрээр Монгол Улс, АНУ хоорондын дипломат харилцааны түүхэн үйл явдлуудаас товч ярьж, Элчин сайдын яамныхаа үйл ажиллагаатай танилцуулсан юм.

  • Ахмадуудаа хүлээн авч хүндэтгэл үзүүллээ

    Нэгдсэн Үндэстний Байгууллагын Ерөнхий ассамблейн 1990 оны 12 дугаар сарын 14-ний өдрийн шийдвэрээр Ахмадуудын эрх ашгийг хамгаалах, тэдний нийгэмд оруулсан хувь нэмрийг нийтэд таниулах зорилгоор жил бүрийн 10 дугаар сарын 01-ний өдрийг “Олон улсын Ахмадын өдөр” болгон дэлхий даяар тэмдэглэж байхаар тунхаглажээ. Энэ шийдвэрийн дагуу манай улс 1992 оноос эхлэн “Ахмадын баярын өдөр”-ийг уламжлал болгон тэмдэглэсээр 30 гаруй жил болж байна.
    Өнөөдөр Үндсэн хуулийн цэц төр улсынхаа түшиг, түмэн олон залуусынхаа нөмөр нөөлөг болсон, Үндсэн хуулийн үзэл санааг төлөвшүүлэн хөгжүүлэхэд хувь нэмрээ оруулсаар байгаа ахмадуудаа хүлээн авч хүндэтгэл үзүүллээ.

  • Үндсэн хуулийн цэцийн дунд суудлын хуралдаан боллоо

    Монгол Улсын Үндсэн хуулийн цэц 2023 оны 9 дүгээр сарын 27-ны өдрийн Дунд суудлын хуралдаанаар Монгол Улсын Их Хурлын хяналт шалгалтын тухай хуулийн 29 дүгээр зүйлийн 29.1.1, 29.1.2 дахь заалт, Монгол Улсын Үндсэн хуулийн цэцийн тухай хуулийн 3 дугаар зүйлийн 1, Монгол Улсын Их Хурлын чуулганы хуралдааны дэгийн тухай хуулийн 102 дугаар зүйлийн 102.1, Авлигын эсрэг хуулийн 21 дүгээр зүйлийн 21.1, 21.2 дахь хэсгийн зарим заалт Монгол Улсын Үндсэн хуулийн холбогдох заалтыг зөрчсөн эсэх маргааныг хянан шийдвэрлэлээ.

  • Олон улсын төслийн багийнхныг хүлээн авч уулзав

    Монгол Улсын Үндсэн хуулийн цэцийн дарга Н.Чинбат “Харьцуулсан эрх зүй” олон улсын төслийн Анхдугаар зөвлөгөөнд оролцсон Итали Улсын Миланы их сургууль, Франц Улсын Каен Нормандийн их сургуулийн төлөөлөгчдийг 2023 оны 9 дүгээр сарын 23-ны өдөр хүлээн авч уулзлаа.
    Энэ үеэр тэрбээр, төслийн ач холбогдлыг өндөр үнэлэхийн сацуу төслийг хэрэгжүүлснээр Үндсэн хууль дээдлэх ёс, шүүх эрх мэдэл, хүний эрхийн тулгамдсан асуудлыг шийдвэрлэхэд зохих хувь нэмрээ оруулна гэдэгт итгэлтэй байгаагаа илэрхийллээ.

  • “Харьцуулсан Үндсэн хуулийн эрх зүй: Ардчилалд тулгарч буй сорилт” симпозиум боллоо

    Европын холбооны санхүүжилтээр “ERASMUS Plus” олон улсын төслийн хүрээнд Итали улсын Миланы Их сургууль, Франц улсын Каен Нормандийн их сургууль, Монгол Улсын Их Сургуулийн Хууль зүйн сургууль, МУИС-ийн Үндсэн хуулийн эрх зүйн хүрээлэн, Шихихутуг Их Сургууль “Харьцуулсан эрх зүй” төслийг 2023 оноос эхлэн 3 жилийн хугацаатай хэрэгжүүлж эхлээд байна.

  • Үндсэн хуулийн цэцийн дунд суудлын хуралдаан болно

    Нэр бүхий иргэн Монгол Улсын Үндсэн хуулийн цэцэд хандаж Улсын Их Хурлаас 2021 оны 12 дугаар сарын 24-ний өдөр баталсан Монгол Улсын Их Хурлын хяналт шалгалтын тухай хуулийн 29 дүгээр зүйлийн 29.1.1, 29.1.2 дахь заалт, Авлигын эсрэг хуулийн 21 дүгээр зүйлийн 21.1, 21.2, Монгол Улсын Үндсэн хуулийн цэцийн тухай хуулийн 3 дугаар зүйлийн 1, Монгол Улсын Их Хурлын чуулганы хуралдааны дэгийн тухай хуулийн 102 дугаар зүйлийн 102.1 дэх хэсгийн зарим заалт Үндсэн хуулийн холбогдох заалтыг зөрчсөн эсэхийг тогтоолгохоор мэдээлэл ирүүлсэн билээ. Цэц уг мэдээллийг хянан хэлэлцэх дунд суудлын хуралдааныхаа товыг зарлаад байна.

  • Монгол Улсын Үндсэн хуулийн цэц, Бүгд Найрамдах Индонез Улсын Үндсэн хуулийн шүүх Харилцан ойлголцлын санамж бичиг байгуулав

    Монгол Улсын Үндсэн хуулийн цэцийн дарга, Үндсэн хуулийн шүүх, түүнтэй адилтгах байгууллагуудын Азийн нийгэмлэгийн Ерөнхийлөгч Н.Чинбат тэргүүтэй төлөөлөгчид 2023 оны 8 дугаар сарын 09-11-ний өдрүүдэд Бүгд Найрамдах Индонез Улсын Үндсэн хуулийн шүүхээс зохион байгуулсан Үндсэн хуулийн шүүхийн дарга нарын олон улсын чуулга уулзалтад оролцов. Цэцийн дарга Н.Чинбат “Монгол Улсын Үндсэн хуулийн цэц ардчилсан ёсны зарчмын баталгаа болох нь” сэдвээр илтгэл тавив.

  • Хамтын ажиллагааг цаашид улам өргөжүүлэн хөгжүүлэхийн төлөө байна гэдгээ илэрхийллээ

    Монгол Улсын Үндсэн хуулийн цэц, БНХАУ-ын Бүх Хятадын Ардын Төлөөлөгчдийн Их Хурлын Үндсэн хууль, хууль зүйн Хороо 2023 оны 7 дугаар сарын 05-ны өдөр онол, практикийн хурал хамтран зохион байгуулав. Монгол Улсын Үндсэн хуулийн цэцийн дарга Н.Чинбат, БНХАУ-ын Бүх Хятадын Ардын Төлөөлөгчдийн Их Хурлын Үндсэн хууль, хууль зүйн хорооны дарга, хатагтай Шин Чуньин нар хурлыг нээж хэлсэн үгэндээ, хоёр байгууллага хоорондын харилцаанд өндөр ач холбогдол өгч байгаагаа тэмдэглэхийн сацуу хамтын ажиллагааг цаашид улам өргөжүүлэн хөгжүүлэхийн төлөө байна гэдгээ илэрхийллээ.

  • Үндсэн хуулийн цэц Банкин дахь мөнгөн хадгаламжийн даатгалын тухай хуулийн зарим заалтад холбогдох маргааныг хянан хэлэлцлээ

    Монгол Улсын Үндсэн хуулийн цэцийн 2023 оны 6 дугаар сарын 30-ны өдрийн дунд суудлын хуралдаанаар Банкин дахь мөнгөн хадгаламжийн даатгалын тухай хуулийн 8 дугаар зүйлийн 8.1, 13 дугаар зүйлийн 13.5, 13.10, 13.11 дэх хэсэг Үндсэн хуулийн холбогдох заалтыг зөрчсөн эсэх маргааныг хянан хэлэлцээд уг асуудлаар магадлал гаргалаа.

  • Олон улсын эрдэм шинжилгээний бага хурал болов

    “Зүүн хойд Ази дахь Үндсэн хуулийн шүүх: Солонгос ба Монгол” сэдэвт олон улсын эрдэм шинжилгээний бага хурал 2023 оны 6 дугаар сарын 28-ны өдөр МУИС-ийн Төв байрны дугуй танхимд зохион байгуулагдлаа.

    Уг эрдэм шинжилгээний хурлыг МУИС-ийн Үндсэн хуулийн эрх зүйн хүрээлэн, ХЗДХЯ-ны харьяа Хууль зүйн үндэсний хүрээлэн, ОУУБИС-ийн Монгол-Солонгосын эрх зүйн хүрээлэн болон БНСУ-ын Үндсэн хуулийн шүүхийн судалгааны хүрээлэн тус тус хамтран зохион байгуулав.